Hagsmuni hverra er Einar K. Guðfinnsson að gæta?

Hagsmuni hverra er Einar K. Guðfinnsson að gæta? Hann hefur virst vera helst að hugsa um þá sem telja sig eiga fiskinn í sjónum við ísland og ekki tel ég að hann sé mikið að hugsa um hag Sjálfstæðisflokksins með svona yfirlýsingu. Það eru mjög margir sjálfstæðismenn og ég þar með talinn með því að þeir sem nota þessa auðlind okkar eigi að borga fyrir hana og þessi yfirlýsing mun örugglega taka atkvæði frá flokknum í næstu kosningum. Það mun styrkja Samfylkinguna og auka líkur á inngöngu í ESB

„Munum afnema veiðigjaldið“

Athugasemdir

[sigkja (IP-tala skráð) 20.6.2012 kl. 01:04]

Það eru mjög margir með því að þeir sem nota auðlindir okkar eigi að borga fyrir þær. Bændur ættu vel að geta greitt nokkra þúsundkalla á hektara leigu fyrir afnot af landinu okkar. Fyrirtækin í landinu gætu borgað góðar summur fyrir afnot af mannauðnum sem við höfum menntað, milljón fyrir verkamann,3 fyrir iðnaðarmann og 6 fyrir langskólagengið fólk. Og bíleigendur ættu að greiða vel fyrir afnot af vegum um landið og hreina loftinu sem þeir spilla, hundraðkall á kílómeter fyrir fólksbíl og 200 fyrir vöruflutningabíl til dæmis. Og vatn, rafmagn og jarðhiti eru einnig auðlindir sem gætu skilað okkur háum upphæðum.

Það er engin ástæða til að vera að binda sig við það að skattleggja sérstaklega eina auðlind þegar við höfum svo margar sem hægt væri að mjólka með sama árangri.

[Jón Páll Haraldsson, 20.6.2012 kl. 02:34]

Hvar hefur þú verið sigkja?

Eru ekki fyrirtækin að borga mismunandi laun í hlutfalli við mennturn nú þegar og borga ekki launþegar síðan skatta í hlutfalli af launum. Eru ekki bíleigendur nú þegar að borga skatta af bílum og orku fyrir bílana og eru ekki íslensk heimili að borga fyrir velgengni útgerðarinnar með stóraukinni skuld í gegnum verðtrygginguna sem hefur hækkað gríðarlega við lækkun gengis sem síðan hefur aukið tekjur útgerðarinnar

[Ólafur Ingi Hrólfsson, 20.6.2012 kl. 03:55]

Jón Páll - flokkurinn kom gjaldinu á fyrir 10 árum síðan og hefur margsagt að gjaldið eigi að hlkka núna - en það eigi ekki að blóðmjólka fyrirtækin þannig að þau fari á hausinn. Varla ert þú á þeirri skoðun að það eigi að ganga það hart fram gagnvart sjávarútveginum. Að afnema hengingarólina - já - að hækka gjaldið þannig að fyrirtækin ráði við það - já.

[sigkja (IP-tala skráð) 20.6.2012 kl. 04:54]

Eru ekki útgerðirnar að greiða skatta og gjöld eins og önnur fyrirtæki í réttu hlutfalli við tekjur? Borga sjómenn ekki skatta? Eru útgerðirnar ekki að greiða sérstakt veiðigjald nú þegar? Hvaða útflutningsfyrirtæki er ekki að sýna betri afkomu eftir lækkun gengisins? Er það útgerðin sem stjórnar genginu eða seðlabankinn okkar? Á að refsa útgerðinni sérstaklega fyrir lægra gengi?

Það er engin ástæða til að vera að binda sig við það að skattleggja sérstaklega eina auðlind þegar við höfum svo margar sem hægt væri að mjólka með sama árangri. Ef við eigum allar þessar auðlindir því ættum við ekki að fá sérstaklega greitt fyrir þær umfram venjulega skatta og gjöld eins og útgerðinni er gert að greiða fyrir þessa einu auðlind? Hvers vegna ættum við að mismuna fólki eftir því hvaða auðlind okkar þeir nota?

[Axel Jóhann Hallgrímsson, 20.6.2012 kl. 08:06]

Góð færsla Jón Páll!

[Jón Páll Haraldsson, 20.6.2012 kl. 15:05]

Ég er sammála þér Ólafur Ingi að það má ekki leggja það mikið á útgerðina að hún ráði ekki við gjöldin, en það sem er svo erfitt að síðustu árin og þá sérstaklega eftir hrun þá koma alskonar útreikningar varðandi ýmis mál sem skifta þjóðina miklu máli og útkomurnar eru ótrúlega mismunandi eftir því hver eða fyrir hvern útreikningarnir eru. Jú, ég vil að útgerðin borgi sitt, en ég viðurkenni að ég hef ekki hugmynd hvaða upphæð er rétt. En ef ég skil þetta rétt þá eiga þessi gjöld að miðast við afkomu að hluta til