ESB, landbúnaðurinn Skyr og Lopi

Ýmis rök eru til bæði með og á móti inngöngu Íslands í ESB, sum góð og gild en önnur mishugsuð og mistúlkuð í samræmi við persónulegar tilfinningar einstakling. Eitt atriði mætti nefna í þessari umræðu og það er, að ef Ísland væri í ESB, þá gætum við sótt um upprunaverndun á SKYRI OG LOPA. Þetta kæmi undir sömu reglur og t.d.Franska Appellation Contrôle (uppruna) kerfið, eða þar sem segir að Portvín getur eingöngu verið framleitt í ákveðnu svæði í Portúgal og FETA ostur í ákveðnu svæði í Grikklandi (já, við megum ekki í raun framleiða vörur undir nafninu FETA á Íslandi)

Bæði Skyr og Lopi hafa sérstöðu sem Íslenskt með aldarlanga hefð og því ætti það að vera nokkuð auðsótt fyrir Íslendinga að sækja um einkafleyfi á þessum vörum, sem sagt, að til þess að vara megi að kallast, SKYR EÐA LOPI eða jafnvel LOPAPEYSA, þá verði varan að vera framleidd á Íslandi samkvæmt hefð. Tveir stærstu kostirnir við svona einkaleyfi væri að þessi einkaleyfi væru þjóðareign og að ekki væri hægt að framleiða.

Mér finnst það gott og blessað að fólk sé með eða á móti ESB, en við þurfum öll að kynna okkur kosti og galla og ekki taka ákvarðanir á "af því bara" rökum og munið að þið sem eigið maka, að þið hefðuð aldrei náð í þann maka ef þið hefðuð ákveðið fyrirfra að hann eða hún vildi ekkert með þig hafa, þá væri hann eða hún ekki þinn maki í dag. Klárum viðræðurnar við ESB og ákveðum á raunverulegum forsendum hvort við viljum ganga inn í ESB eða ekki