Var nokkuð verið að mótmæla?

Ég hef það meira á tilfinningunni eftir að lesa fréttina að þarna hafi einhver verið að mótmæla rjúpnaveiðum eða notkun á fjórhóli til veiðanna eða hvorutveggja

„Stórmenni að ná sér í jólamatinn“

Athugasemdir

[Gunnar Heiðarsson, 30.10.2012 kl. 02:39]

Það eru ömurleg mótmæli ef þau byggjast á því að stela og eyðileggja. Þeir sem telja sig þurfa að mótmæla rjúpnaveiðum geta gert það á heiðarlegri og skilvirkari hátt.

Varðandi notkun fjórhjólsins, þá er ekki bannað að nýta slíkt farartæki til að komast á veiðislóð. Það er hins vegar bannað að elta uppi veiðibráð á vélknúnum farartækjum, hverju nafni sem þau nefnast. Hafi einhver verið ósáttur við að þarna væri verið að nota fjórhjól, átti viðkomandi auðvita að kalla til lögreglu. Að skera á dekk kerrunnar er níðingsskapur.

Þá gat sá sem það níðingsverk framkvæmdi ekki vitað til hvers var verið að nota það fjórhjól sem flutt hefði verið á kerrunni, eða hvort yfirleitt nokkuð hafði verið flutt á henni. Vel gat verið að þarna væru bændur á ferða að leita eftirlegukinda, eða eftirlits á girðingum.

Vilji menn mótmæla einhverju eiga þeir að sjálfsögðu að gera slíkt. En þeir eiga ekki að ræna fólk eða skemma eigur þess, það eru ekki mótmæli, það eru níðingsverk og einungis unnin af aumingjum.

Þetta á ekkert skilt við mótmæli af neinu tagi.

[Óskar Guðmundsson, 30.10.2012 kl. 13:32]

Viðkomandi var, ef ég skil leiðarlýsingu rétt, að aka gamla þjóðveginn frá Fornahvammi en hann er ekki merktur lengur sem vegur né slóoði og er því klárlega um lögbrot að ræða skv 9 greinar,17 málsgrein laga nr 62 frá 1994 með viðbótum 2004/5.

[Jón Páll Haraldsson, 31.10.2012 kl. 02:04]

Því miður þá telja margir sig eiga sérstakan rétt þegar þeir mótmæla og það virðist oft eiga við umhverfissinna