Eru ættbálkadeilur á Íslandi?

Nýlega sat ég á kaffistofu þar sem nokkur fjöldi manns var staddur og umræðurnar gengu út vandræði "þriðja" heimsins svokallaðan. Eitt af því sem koma fram í þessum umræðum var sú skoðun að ættbálka deilur væru helstu vandamálin í mörgum af þessum löndum. Þar sem menn væru réttdræpir fyrir það eitt að tilheyra röngum ættbálk og þótti fólki þetta merki um ótrúlega vanþróað fólk og menningar. Eftirá fór ég að hugsa aðeins um þetta með tilliti til Íslands. Hvernig erum við? Hér hleypur fólk í skotgrafir um leið og ákveðin orð eða setningar heyrast um ákveðið fólk eða flokka. Það er ekki hlustað á það sem er sagt, því það má ekki vera sammála þessum "ranga" aðila. Það muna eflaust margir eftir því hvernig sveitaböll voru hér áður. Menn slógust við aðra menn, vegna þess að þeir komu frá ákveðnum, bæ, hrepp eða bæjarfélagi. Það var ekki verið að slást við einstakling heldur heimilisfang og enn erum við að, í anda ættbálkanna í "þriðja heiminum. Hugsið ykkur að á Alþingi eru oft setið á mjög góðum hugmyndum sem gætu verið verulega góðar fyrir þjóðina, en þar sem upphaflega hugmyndin kemur ekki frá réttum aðila, þá er ekki hægt að vinna með hana á neinn hátt, því hrós gæti farið á rangan stað.  Það er gott að vera gagnrýnin, en prófum að standa fyrir framan spegil þegar við gagnrýnum

Athugasemdir

[Ægir (IP-tala skráð) 6.3.2013 kl. 10:14]

Vildi bara þakka þér kærlega fyrir þessa grein. Hvet þig til að fá hana birta sem víðast. Reynum að hafa okkur yfir þetta og leita að umburðarlyndi: umburðarlyndi er ein höfuðdyggða og lykill að ótal verðmætum.