Ráðamenn eru launþegar Íslensku þjóðarinnar

Vandamál Framsóknarmanna er að þeir virðast ekki hafa hugmynd um stöðu sína og hvernig þeir fengu hana. Þeir þurfa t.d. að gera sér grein fyrir því að þeir eru launþegar eins og flestir Íslendinga og þeir eru að vinna fyrir sína launagreiðendur, en ekki sjálfa sig eða fámenna vinahópa.

Framsókn hafði +/- 10% fylgi í nánast öllum skoðunarkönnunum í aðdraganda síðustu Alþingiskosningar, eða þar til að þeir komu með loforð um 20% niðurfellingu húsnæðisskulda þá fór fylgi þeirra að snaraukast. Það var semsagt ekki afstaða þeirra til ESB sem bætti fylgi Framsóknarflokksins, heldur loforð um niðurfellingu húsnæðisskulda og þess vegna er það mikill misskilningur (eða login afsökun) hjá utanríkisráðherra að hann hafi skýrt umboð þjóðarinnar til að slíta viðræðum við ESB (Ég tel þó að hann hafi skýrt umboð LÍÚ) því ef þeir hefðu ekki fengið fylgisaukningu vegna loforði þeirra um niðurfellingu húsnæðisskulda, þá væru þeir líklega enn í stjórnarandstöðu og það væri gott fyrir Bjarna Ben að rifja upp hvaða fylgi Sjálfstæðisflokksins hafði þar til hann kom í viðtalið þar sem hann viðurkenndi mistök og sagði að hann teldi að það ætti að vera þjóðaratkvæðagreiðsla um viðræður við ESB

Ég tel að við Íslendingar verðum að vera meira dugleg við að mynna Forseta Íslands, Alþingismenn og aðra ráðamenn á að þeir eru launþegar Íslensku þjóðarinnar og þeim ber að virða alla sína vinnuveitendur

Athugasemdir

[Jóhann Kristinsson, 23.8.2013 kl. 14:21]

Skoðunarkannanir eru ekki notaðar til að velja menn á Alþingi, heldur eru það kosningar sem gera það.

Farðu nú að hætta þessu úburðarvæli Jón Páll.

Eftirfarandi kom frá Landsfundi (D) í vetur:

Landsfundur telur að hagsmunum Íslands sé betur borgið með því að standa fyrir utan Evrópusambandið.

Áréttað er að aðildarviðræðum við ESB verði hætt og þær ekki teknar upp aftur nema að undangenginni þjóðaratkvæðagreiðslu.

Landsfundurinn mótmælir íhlutun sendiherra Evrópusambandsins á Íslandi í stjórnmálaumræðu þjóðarinnar og telur óhæfu að stækkunardeild ESB haldi úti starfsemi hér þar sem lagst er á sveif með einu stjórnmálaafli gegn öðrum. Evrópusambandinu verði gert að loka kynningarskrifstofu þess hér.

Ef (D) vilja fara sömu leið og (S) fór í kosningunum í vor, þá um að gera að standa ekki við yfirlýsingu Landsfundarins síðasta vetur.

Kveðja frá Las Vegas.

[Jón Páll Haraldsson, 23.8.2013 kl. 16:20]

Jóhann Kristinsson, Sæmkvæmt fréttum í dag þá er það vaxandi vandamál á Íslandi að börn geta ekki lesið sér til gagns. Þess má auðvitað vænta að þetta eigi við einhverja fullorðna líka

Ég nenni ekki að rökræða við aðila sem annaðhvort nenna ekki að lesa það sem ég skrifaði eða skortir lesskilning til að skilja það

Ég vænti þess að þú sért einn af þessum 14% sem ber viðingu fyrir Alþingismönnum Íslands

P.S. Gaman væri ef þú gætir útskýrt orðið úburðarvæl

[Anna Sigríður Guðmundsdóttir, 23.8.2013 kl. 17:54]

Útburðarvæl,   það eru sársauka-hljóð frá ósjálfbjarga og sveltandi hvítvoðungum, sem hafa verið borin út úr hýbýlum þeirra ríku, t.d. af fátækum, sjúkum, varnarlausum og minnimáttar foreldrum.

Tími kominn til að taka umræðu um hvernig staða útburðar á Íslandi er í dag; árið 2013.

M.b.kv.

[Jóhann Kristinsson, 23.8.2013 kl. 18:07]

Ég er viss um að þú hefur aðgang að íslenzkri orðabók, flettu upp orðinu útburðarvæl og þú skilur þá betur samlíkuna við væl (S) manna.

Persónulega mundi ég vilja kosningar um ESB strax. Spurningin ætti að vera:

Vilt þú að Ísland verði meðlimur að ESB?

Svar: Nei

Svar: Já

Ég ber virðingu fyrir stofnunini Alþingi, en því miður þá eru nokkur skemd epli, so to speak, sem starf á Alþingi.

Einhverra hluta vegna þá held ég að Stjórnarsáttmálinn hafi ekkert í textanum um þjóðaratkvæði á þessu kjörtímabili hvort Ísland eigi að gerast meðlimur að ESB?

Kveðja frá Las Vegas.