Það eru svona hlutir sem margir gleyma í umræðunni um ESB.

Það eru svona hlutir sem margir gleyma í umræðunni um ESB. Lög og reglur ESB ganga mikið út á að vernda rétt einstaklinga. Hlutur sem vantar oft hér á Íslandi og mikið af þeim lögum til verndar einstaklinga sem hafa verið innleidd hér á landi hafa komið frá ESB

Breyta jafnréttislögum að kröfu ESA

Hagsmuni hverra er Einar K. Guðfinnsson að gæta?

Hagsmuni hverra er Einar K. Guðfinnsson að gæta? Hann hefur virst vera helst að hugsa um þá sem telja sig eiga fiskinn í sjónum við ísland og ekki tel ég að hann sé mikið að hugsa um hag Sjálfstæðisflokksins með svona yfirlýsingu. Það eru mjög margir sjálfstæðismenn og ég þar með talinn með því að þeir sem nota þessa auðlind okkar eigi að borga fyrir hana og þessi yfirlýsing mun örugglega taka atkvæði frá flokknum í næstu kosningum. Það mun styrkja Samfylkinguna og auka líkur á inngöngu í ESB

„Munum afnema veiðigjaldið“

Hvað ætlar þjóðin að láta Ólaf Ragnar Grímsson plata sig lengi.

Hvað ætlar þjóðin að láta Ólaf Ragnar Grímsson plata sig lengi.. Ólafur Ragnar Grímsson kemur fram og lætur þjóðina halda að hann hafi verndað þjóðina frá Icesave og að hann geti haft áhrif á inngöngu í ESB. Fyrir stuttu þá sagði kona við mig að hún væri að hugsa um að kjósa Ólaf Ragnar Grímsson aftur sem forseta, því hún væri á móti inngöngu í ESB. Það eru gríðarlega margir sem halda að Ólafur Ragnar geti haft áhrif á það hvort Ísland gangi í ESB eða ekki. Það er hinsvegar ekki satt. Hann getur ekki haft nein áhrif og vonandi reynir hann það ekki. Það er algjörlega í höndum Íslensku þjóðarinnar hvort gengir verður inn í ESB. Ef samningum verður lokið þá verður síðasta skrefið alltaf, þjóðaratkvæðagreiðsla, þar sem meirihluti þjóðarinnar ákveður hvort gengið verður inn eða ekki. Forsetinn hefur ekkert með það að gera og það er eingin málskotsréttur sem á við hér. Forsetinn verður að fara eftir vilja meirhluta þjóðarinnar og staðfesta þann vilja.

Ólafur Ragnar bjargaði ekki Íslensku þjóðinni frá Icesave. Hann neitaði að skrifa undir Icesave lögin eftir að 55 þúsund Íslendingar höfðu skrifað nafn sitt á áskorunarlista þar sem farið var fram á að Ólafur Ragnar staðfesti ekki Icesave lögin. Ólafur Ragnar hefur marg sagt sjálfur að hann hafi látið undan þeim gríðarlega þrístingi sem hann varð fyrir. Gott er líka að muna að hann neitaði að staðfesta fjölmiðlalögin á þeim forsendum að 22 þúsund Íslendingar hefðu skorað á hann að staðfesta ekki þau lög. Hvað átti hann þá að gera þegar undirskriftirnar voru orðnar 55 þúsund?

Íslenska þjóðin

Við Íslendingar eru í alveg hræðilegri stöðu. Ríkisstjórnin og fylgjendur hennar hanga svo fast í fortíðinni að það mætti halda að það væri ekki til nein framtíð. Fortíðin er öll sök Davíðs Oddssonar og Sjálfstæðisflokksins, þannig að það útskýrir öll vandamál dagsins. Endalausar afsakanir í nafni fortíðarinnar.

Nú ættum við öll að líta á okkar eigin fætur og skoða skóna. Í hverju stöndum við og hvar höfum við verið? Viljum við standa í þessum sama skít áfram eða viljum við stíga nokkur skref til að komast upp á bakkann. Hrunið kom!! Það voru svo margir þættir sem orsökuðu hrunið; þó fyrst og fremst vegna fólks sem misti sig í velgengninni og hætti að sjá stóru myndina og sá bara sína eigin mynd. Að ætla einhverjum einum manni eða einum stjórnmálaflokki hrunið er mjög van hugsað. Alþýðuflokkur var með Sjálfstæðisflokk þegar gengið var í EES, Framsókn var með þegar bankarnir voru og Samfylkingin var með síðustu 18 mánuðina fyrir bankahrunið. Segjum svo að Davíð og Sjálfstæðisflokkurinn hafi átt að orsaka hrunið. hversu saklausir eru þá hinir fyrverandi samstarfsflokkarnir ef þeir leyfðu þeim þegjandi og hljóðalaust að orsaka hrunið. Þau geta ekki verið saklaus, það vita það allir sem vilja vita það.

Hugsum nú um framtíð Íslands. Móðuharðindin eru löngu liðin. Hættum að vera á með eða á móti breytingum vegna stjórnmálaskoðana okkar eða vegna þess að við teljum okkur vita um sökudólg. Skoðum góðar hugmyndir með hag þjóðarinnar í huga. Ekki spyrja, hvort okkar styrktar eða stuðningsaðilar væru með eða á móti okkar hugsunum. Spyrjum fyrst og síðast. GETUR ÞETTA VERIÐ HAGUR ÞJÓÐARINNAR. Samkvæmt Hagstofu Íslands þá voru íbúar Ísland 319.575 þann fyrsta janúar 2012. 319.575 deilt með 319.575 er sama sem 1 Íslendingur og 1 Íslendingur sinnum 319.575 er sama sem Íslenska þjóðin. Semsagt það eru einstaklingarnir sem skapa þjóðina. EKKI FÁMENNIR HAGSMUNA HÓPAR

SEGÐU FRÁ!

Erum við öll ódauðleg? Því miður er það ekki satt. Dagurinn kemur til okkar allra, hvort sem við erum tilbúin eða ekki.
Ef þið viljið vera líffæragjafar, segið þá ykkar nánustu frá. Það er næstum óréttlátt á þvílíkri sorgarstundu að spyrja nánustu ættingja um líffæragjöf, á dánarstundu barns eða annars náins ættingja. Þetta er spurning sem starfsfólk sjúkrahúsana þarf að spyrja. Ef afstaðan er fyrirfram vituð, þá verður léttara að svara, þess vegna: segðu frá! - þín og ættingja þinna vegna.
Nú eru liðnar 7 vikur síðan ég fékk nýtt hjarta. Ég get aldrei fundið réttu lýsingarorðin yfir það þakklæti sem ég finn til þeirra sem komu að því að gefa mér líf eftir lífið sem stöðvaðist hjá einstaklingi sem ég þekki ekki neitt.
Nokkrum mínútum eftir að farið var með mig inn á skurðdeild var farið með konu á svipuðum aldri og ég á næstu skurðstofu. Við vorum síðan saman í nokkra sólarhringa á sömu stofu á gjörgæsludeildinni og kynntumst síðar lauslega, þegar við vorum bæði komin á almenna deild. Þó að ég fái það aldrei staðfest, enda mun ég ekki reyna að fá það staðfest, eru mjög miklar líkur á að konan hafi fengið tvö ný lungu og bris frá sama einstaklingi og ég fékk hjartað frá. Eitt í viðbót fékk konan og það voru nýjar hartalokur, þær fékk hún örugglega ekki frá hjartanu sem ég fékk. Þegar hún sagði mér frá þessu, rifjaðist upp fyrir mér að ég hafði samþykkt að gefa lokurnar úr mínu veika hjarta, því þær voru það eina sem var í lagi, í hjartanu sem að öðru leiti var eins og sprungin þvagblaðra, samkvæmt lýsingu sem ég fékk frá svæfingalækni mínum.
Ég hef fengið líf eftir líf og ég vona svo sannarlega, að sem flestir hafi möguleika á sama tækifærinu og ég hef fengið. Til þess að svo megi verða þá þurfa okkar nánustu að vita afstöðu okkar – segðu frá !
Jón Páll Haraldsson, bjartsýnn og þakklátur hjartaþegi.

Kolrangur útreikningur

Kostnaður við Vaðlaheiðagöng og aðrar vegaframkvæmdir eru í raun reiknaðar kolrangt. Tölurnar sem eru í umræðunni eru í raun bara útgjöld. Það gleymist að draga frá þær tekjur sem koma strax til baka í Ríkissjóð. Þ.e. Virðisaukaskattur, tekjuskattur, vörugjöld og eins og árar núna, þá mætti reikna atvinnuleysisbætur með. Allir þessir liðir samsvara á milli 60%-80% af útlögðum pening. Ríkissjóður ætti því að fjármagna 60%-80% af útgjöldunum með skammtímalánum. Langtímalán yrðu síðan tekin til að fjármagna hinn raunverulega kostnað. Það væri ansi mikill munur á veggjöldum ef þau miðuðust síðan við raun kostnað, sem væri 20%-40% af útgjöldum. Síðan er hægt að bæta við tekjuliðina; öryggi, minni orkunotkun vegfarenda, minni kostnaður við snjómokstur og minna slit á farartækjum

Íþróttamaður ársins

Já, á Íslandi dugar ekki að vera "HEIMSMEISTARI" til að vinna titilinn. Íþróttamaður ársins

Heiðar íþróttamaður ársins

Íþróttamaður ársins

Já, á Íslandi dugar ekki að vera "HEIMSMEISTARI" til að vinna titilinn. Íþróttamaður ársins

Hafði Ólafur Ragnar nokkuð val?

Hafði Ólafur Ragnar nokkuð val?

Ólafur Ragnar neitaði að samþykkja svokallað fjölmiðla frumvart og bar hann við djúpa gjá milli þjóðar og Alþingis sem staðfestist með áskorun yfir 20.000 Íslendinga. Hvernig gat hann þá farið gegn áskorun 55.000 Íslendinga. Það voru þessir 55.000 Íslendingar sem skoruðu á Ólaf Ragnar, sem stoppuðu Icesave samþykktina

Icesave-málið erfitt

14 fæðast, 5,5 deyja og 7 flytja burt frá landinu

Að meðaltali fæðast 14 Íslendingar á dag, 5,5 deyja og 7 flytja frá landinu og samt eru yfir 11.000 Íslendingar atvinnulausir. Það er sagt að 25 ára einstaklingur sé um 1/2 milljarður að verðmæti fyrir þjóðfélagið. Þ.e. sá kostnaður sem hefur verið af þjónustu og menntun við þennan einstakling plús skatt og þjónustutekjur framtíðarinnar.

Núverandi Ríkisstjórn virðist ekki hafa neinn skilning á því gríðarlega tekjutapi sem Ríkissjóður verður fyrir við núverandi landflótta. Þegar ungt og jafnvel langskóla gengið fólk fer, þá hefur það kannski að mestu verið kostnaður og tekjurnar eiga eftir að koma, sem gerist aldrei ef þetta fólk fer og kemur ekki aftur. Nei, Ríkisstjórnin virðist líta á þennan brottflutning sem lækkun á atvinnuleysi og þar með sé þetta ekki stórt mál. Nú verðum við að taka fiðlurnar af Jóhönnu og Steingrími áður en allt hefur brunnið

Atvinnuleysi eykst